Зидан Бэйл сабаб "Реал"дан кетгани маълум бўлди

"Реал" Мадрид клуби собиқ бош мураббийи Зинедин Зидан жамоадан Гарет Бэйл сабаб кетгани маълум бўлди. Бу ҳақда El Pais нашри хабар бермоқда.

Унга кўра 46 ёшли франциялик мутахассис ўтган мавсум ниҳоясига етишдан олдин раҳбариятдан уэльслик футболчини сотиб юборишни сўраган. Даставвал унинг бу талаби амалга оширилиши маълум қилинди. Бироқ, Чемпионлар лигаси финалидан сўнг Бэйл “Саньтяго Бернабеу”даги фаолиятини давом эттириш истаги борлигини айтгач, раҳбарият ҳам унинг тарафига ўтди ва ўз фикридан қайтди. Зидан эса буни ўзи учун ҳақорат деб тушунди ва жамоадан кетди.