А Серия клуби кескин кучаяди

“Ювентус” раҳбарияти жамоа таркибини кескин кучайтиришга қарор қилди. Туринликлар ёзда жамоага олиб келинадиган тўртта футболчини нишонга олди ва мутасаддилар бу трансферлар бўйича иш бошлашга тайёрланмоқда.

Marca нашри журналистларининг аниқлашича, “Ювентус” ёзда ҳужумкор футболчилар Антуан Гризманн, Марко Асенсио ва Кристиан Пулишич ва қанот ҳимоячиси Алехандро Гримальдони олиб келмоқчи.

Жамоа бош мураббийи Массимилиано Аллегри “Ювентус” ички чемпионатдаги рақобатчиларига етарли даражада қаршилик кўрсатиши учун таркибни кучайтириш кераклигини таъкидламоқда.