А Серия. Марказий ўйинда "Наполи" рақибни тор-мор этди

А Серия 14-туридан ўрин олган "Наполи" - "Лацио" учрашуви якунига етди. Мазкур баҳсда майдон эгалари йирик 4:0 ҳисобида рақибдан устун келди. 

Мезбонлар сафида Мертенс дубль қайд этди. Шунингдек, Зелиньский ва Фабиан Руис ҳам ўз ҳисобига биттадан гол ёздириб қўйди. 

Ушбу натижадан сўнг неаполликлар очколари сонини 35 тага етказиб олган ҳолда, Италия чемпионати турнир жадвалида карвонбошилик қилмоқда. 21 очкога эга "бургутлар" эса 8-ўринни банд этган.