А Серия. "Ювентус" чемпионлик учун курашга қайтди

А Серия 29-туридан ўрин олган "Сампдория" - "Ювентус" учрашуви бўлиб ўтди. Унда меҳмонлар 3:1 ҳисобида ғалаба қозонди. 

Туринликлар сафида Мората дубль қайд этди. Шунингдек, Ёшида автогол муаллифига айланди. Мезбонларнинг ягона голи Сабири томонидан киритилди. 

Шу тариқа, "кекса синьора" очколари сонини 56 тага етказиб олди. Айни вақтда улар Италия чемпионати турнир жадвалида 4-ўринда бормоқда. 26 очкоси бор "Сампдория" 16-поғонадан жой олган. 

Эслатиб ўтамиз, айни вақтда Аллегри шогирдларини пешқадам "Милан"дан 4 очко ажратиб турибди.