А Серия. "Ювентус" меҳмонда ғалаба қозониб, 3-ўринга кўтарилди

Италия А Сериясининг 14-туридан ўрин олган "Верона" ва "Ювентус" жамоалари ўртасидаги ўйин ниҳоясига етди. Мазкур учрашувда меҳмонлар минимал ҳисобда ғалаба қозонди. 

Ўйиндаги ягона гол ҳужумчи Мойзе Кинга ёзилди. У Рабьонинг узатмасидан кейин дарвозани ишғол қилишга муваффақ бўлди.

Маълумот учун, "кекса сеньоралар" мазкур ғалабадан кейин 28 очко билан турнир жадвалида 3-ўринга кўтарилиб олди.