Ўзбекистон иккинчи назорат ўйинида Нидерландияни таслим қилди

Ўзбекистон миллий терма жамоаси Нидерландияга қарши иккинчи назорат учрашувини ўтказди. Мазкур баҳсда вакилларимиз 2:1 ҳисобида ғалаба қозонди. Голларга Азизбек Амонов ҳамда Авазбек Ўлмасалиев муаллифлик қилди.

Учрашувда майдонга тушган футболчилар: Эргашев, Неъматов, Эшмуродов, Абдуллаев, Каримов, Эсанов, Жиянов, Ўлмасалиев, Раҳмоналиев, Жалолиддинов, Амонов, Темиров, Сергеев, Искандеров, Ҳамдамов.

Маълумот учун, беллашув томонларнинг келишувига мувофиқ ёпиқ эшиклар ортида ўтди ҳамда ҳар бир бўлим 30 дақиқадан давом этди.