А Серияда навбатдаги истеъфо юз бериши мумкин

“Парма” яқин соатлар ичида бош мураббий Фабио Ливерани ўз лавозимидан озод этади. Бу ҳақда Sky Sport хабар тарқатмоқда.

Бугун “Парма” А Сериянинг 16-турида “Аталанта”га (0:3) йирик ҳисобда ютқазиб қўйди. Кетма-кет 4 та мағлубиятдан сўнг “Парма” мусобақа жадвалида 17-ўринга тушиб кетди.

Маълумотларга қараганда, Фабио Ливерани ўрнига жамоа раҳбарияти 2 та номзодни кўриб чиқмоқда. Булар: Роберто Д’Аверса ва Паулу Соуза.

“Парма” Италия чемпионатидаги навбатдаги баҳсини 10 январь куни “Лацио”га қарши ўтказади.