А Сериянинг қолдирилган 27-тур учрашувлари қачон ўтказилиши маълум бўлди

Хабарингиз бор ўтган ҳафта “Фиорентина” сардори Давиде Асторининг бевақт ўлими сабаб А Сериянинг 27-тур учрашувлари номаълум муддатга қолдирилган эди.

Football Italia нашри тарқатган хабарга кўра мусобақа ташкилотчилари ушбу тур учрашувларини 3-, 4-апрель саналарида ўтказишни режалаштиришган. Аниқроғи, "Аталанта" - "Сампдория", "Женоа" - "Кальяри" ҳамда "Удинезе" - "Фиорентина" баҳслари 3 апрелда бўлиб ўтса, "Беневенто" - "Верона", "Кьево" - "Сассуоло" ва "Торино" - "Кротоне" ўйинари 4 апрелда ўтказилади.

Бироқ, “Интер” ҳамда “Милан” жамоалари ўртасидаги дерби қачон ўтказилиши ҳозирча маълум эмас. Бу “россонерилар”нинг Европа лигасидаги ўз юришини давом эттираётгани билан боғлиқлиги айтилмоқда.