Абдуқодир Ҳусанов: "Гвардиоладан жуда миннатдорман, у мен билан алоҳида ишлаяпти"

Ўзбекистонлик ҳимоячи Абдуқодир Ҳусанов "Манчестер Сити" бош мураббийи Пеп Гвардиола ҳақида илиқ фикр билдирди.

Футболчининг айтишича, испаниялик мутахассис у билан индивидуал тарзда кўп ишламоқда ва ўйиннинг ҳар бир жиҳатини батафсил тушунтириб беряпти.

"Пепдан жуда миннатдорман. У мен билан алоҳида жуда кўп вақт сарфлади, ўйиннинг ҳар бир деталини тушунтириб берди.

Биз қадамма-қадам ишлаяпмиз — у мени шошилтирмаяпти ва менга вақт кераклигини яхши тушунади", — деди Абдуқодир Ҳусанов.

Бу фикрлардан кўриниб турибдики, Гвардиола ёш ҳимоячини босқичма-босқич асосий таркибга тайёрлашни режалаштирган. Ҳусанов учун бундай ёндашув унинг ривожланиши ва Европадаги фаолияти учун жуда муҳим аҳамиятга эга.