Абдураҳмон Абдулхаков ҳам "Янгиер" билан келишувга эришди

“Янгиер” янги футболчилар билан шартномалар тузишда давом этмоқда. Боя Муҳаммад Исаевнинг расман “Янгиер” аъзосига айлангани эълон қилинган бўлса, энди Абдураҳмон Абдулхаков ҳам жамоа билан шартнома имзолади. Бу хусусида клуб матбуот хизмати хабар бермоқда.

“Биринчи даврани "Машъал" жамоаси таркибида ўтказган ярим ҳимояси Абдураҳмон Абдулҳақов фаолиятини "Янгиер-қурувчи"да давом эттиради.

Клуб ва футболчи келишувга эришди. Абдулҳақов жамоамиз билан бир ярим йиллик шартнома имзолади”, - дейилади хабарда.