Абрахам аслида “Арсенал”га ўтиши керак эди. У нега “Рома”га келиб қолди?

“Рома”нинг асосий ҳужумчисига айланган Тэмми Абрахамга “Арсенал” жиддий қизиққан эди. “Канонирлар” ёзда “Челси”дан бу футболчини олиш учун Александр Ляказеттни сотиб юборишга қарор қилганди.

Микель Артета вакиллари Абрахам билан узоқ муддат музокара олиб борди. Томонлар ҳар жиҳатдан келишувга эришган паллада “Челси” бу трансфердан бош тортди. “Аристократлар” Абрахам трансфери борасида ашаддий рақиб билан музокара қилишни ҳам истамади.

Маълум бўлишича, “Арсенал” истеъдодли ҳужумчи учун “Рома”дан анча кўп маблағ таклиф қилган бўлса-да, Тэмми Римга жўнатилди.

Римликлар бош мураббий Жозе Моуриньога керакли футболчи учун 40 миллион евро сарфлади.