Адама Траоре Испанияга қайтиши мумкин

"Атлетико" Мадрид ёзги трансферлар ойнасида вингер сотиб олишни режалаштирмоқда. Вариантлар орасида "Вулверхэмптон" футболчиси Адама Траоре ҳам бор. Бу ҳақда "90 min" хабар тарқатди.

Испанияликнинг "бўрилар" билан амалдаги шартномаси мавсум сўнггида тугайди. Унинг янги битимга қўл қўйиши ҳақида маълумотлар йўқ ва эркин агентга айланиш эҳтимоли юқори.

Эслатиб ўтамиз, Траоре ушбу мавсум "Вулверхэмптон" сафида 27 та ўйинда майдонга тушиб, 2 та гол урди ва 1 та ассист амалга оширди.