Африка Миллатлар кубоги. Марокаш Камерунни мағлубиятга учратиб, ярим финалга йўл олди

Африка Миллатлар кубогининг чорак финалидан ўрин олган навбатдаги тўқнашув ўз ниҳоясига етди. Марокаш терма жамоаси бу босқичда Камерун билан куч синашиб, 2:0 ҳисобида ғалаба қозонди ва ярим финал йўлланмасини қўлга киритди. 
 
Учрашувнинг 26-дақиқасида "Реал Мадрид" ҳужумчиси Браим Диас ҳисобни очишга муваффақ бўлди. 74-дақиқада эса Исмаэль Сайбари жамоасининг иккинчи голига муаллифлик қилди. 
 
Маълумот ўрнида, Марокаш терма жамоаси ярим финал босқичида Жазоир - Нигерия ғолиби билан тўқнаш келади.