Афсус! Бир киши кам қолган Ўзбекистон ОТЖ Австралияга ютқазди ва Олимпиада йўлланмасидан қуруқ қолди

Бугун 23 ёшликлар ўртасидаги Осиё чемпионатида 3-ўрин учун баҳс бўлиб ўтади. Унда Ўзбекистон олимпия терма жамоаси Австралия билан куч синашади. Ғолиб Токио-2020 Олимпиадасига йўлланмани қўлга киритади.

Австралия - Ўзбекистон ўйинини ЖОНЛИ ЭФИРда томоша қилинг

Ушбу ўйинни "Спорт" телеканалида Дилшодбек Тўхтабеков ва Бобур Акмалов биргаликда шарҳлаб боради. Бу ҳақда Бобур Акмалов телеграмдаги ўзининг саҳифасида маълум қилди.

Маълумот ўрнида, Австралия - Ўзбекистон учрашуви Тошкент вақти билан 17:30да старт олади.

Ассалому алайкум қадрли футбол мухлислари. SPORTS.uz сайти мухбирлари Таиланд пойтахти Бангкок шаҳридан ушбу ўйиннинг матнли онлайн трансляциясини амалга оширмоқда.

Жамоаларнинг таркиблари билан танишиб олинг:

* Бугун тарихий ўйин. Ғалаба қозонган жамоа Олимпиада йўлланмасини қўлга киритади. Шу боис учрашувнинг аҳамияти жуда юқори. Мазкур баҳсда терма жамоамизни қўллаб-қувватлаш учун Ўзбекитондан юзлаб мухлислар ташриф буюришди. Қолавреса, футболчиларга далда бўлиш учун Суперлига клубларининг мураббийлари ҳам Таиландга келишди.

* Ушбу ўйинни "Спорт" телеканалида Дилшодбек Тўхтабеков ва Бобур Акмалов биргаликда шарҳлаб боради.

1* Учрашув бошланди бошланди. Тўпни ўйинга ҳамюртларимиз киритиб беришди.

3* Вакилларимиз дастлабки дақиқаларда тўпни ушлаб туришга эътибор қаратишмоқда. Аммо рақиб бизнинг хатони кутиб тезкор ҳужум ташкил этишга уринмоқда.

5* Д`Агостино қанотдан оширилган тўпга сакраш чоғида дарвозабонимизга қўполлик ишлатиб, гол урди. Ўз навбатида ҳакам бу голни бекор қилди.

8* Абдулла Абдуллаев ҳимоячилардан қайтган тўпни дарвозага йўналтирди. Аммо анча ноаниқ.

11* Хавфли вазият! Бобир Абдихолиқов чап қанотдан оширган тўпни Жасурбек Яхшибоев боши билан дарвозага йўналтирди. Аммо рақиб посбони ўз ўрнида.

14* Айни пайтга келиб ташаббус ҳамюртларимиз томонида. Австралияликлар ўз имкониятларини кутишмоқда.

* Мухлислар футболчиларни тинмай қўллаб туришибди.

17* Хавфли вазият! Жасурбек Яхшибоев ўнг қанотдан юриб, дарвозага зарба берди. Бироз ноаниқ.

22* Охирги 2-3 дақиқа "кенгрулар" босим қилиб кўришди. Барча ўз ўрнида.

23* Жарима майдонига юқоридан оширилган тўпни Нурилло Тўхтасинов худди шундай йўналтирди. Яна ноаниқ.

28* Жуда ҳам хавфли вазият! Жасурбек Яхшибоев жарима майдонида 2 та рақибни алдаб зарба берди. Ҳимоячиларга тегиб, ҳавога кўтарилган тўпни Нурилло Тўхтасинов яқин масофадан тўрга кирита олмади.

33* Жанубий Корея бизни қандай қамал қилган бўлса, биз ҳам Австралияни шу тарзда ҳимояланишга мажбур қиляпмиз.

34* Илҳомжон Алижонов ҳаволатиб узатган тўпни рақиб посбони қийинчилик билан бартараф қилди.

36* Хавфли вазият! Бобир Абдихолиқов қаршисидаги рақибни алдаб жарима майдони ичидан зарба берди. Бироқ тўпни бошқа ҳимоячи қайтариб юборди.

Бобирга яна қанча қулай имкониятлар керак???!!!

43* ўйин темпи бироз пасайгандек, Аммо футболчиларимиз тинмаяпти. Ҳужум кетидан ҳужум...

45* Биринчи таймга бир дақиқа қўшиб берилди.

45+1* Дастлабки бўлимда ҳисоб очилмади 0:0. Танаффус.

46* Иккинчи тайм бошланди. ОЛҒА ЎЗБЕКИСТОН!!!

47* Яна бошланди. Гоооол. Австралиялик Д`Агостино марказдан 3 футболчидан ўтиб, жарима майдонига кирди ва гол урди.

53* Нурилло Тўхтасинов ўрнига Ойбек Бозоров майдонга тушди.

54* Хавфли вазият! Илҳомжон Алижонов чап қанотдан узатган тўпни Миржаҳон Мираҳмадов эгаллаб зарба бермоқчи бўлди. Бироқ тўп майдон ташқарисига чиқиб кетди. Бурчакдан оширилган тўпни эса посбон қийинчилик билан бартараф қилди.

58* Иккинчи тайм ёмон бошланди. Биргина зарба эвазига австралияликлар гол уришди. Ҳужумни биз қилдик, улар гол уришди.

59* Жасурбек Яхшибоев шериги билан девор услубида комбинация ташкил этди ва ўзи зарба берди. Дарвозабон тўпни яна эгаллаб олди.

60* Ойбек Бозоров майдон марказида рақибига қўполлик ишлатгани учун қизил картоқка олди. 

61* Миржаҳон Мираҳмадов ўрнига Шароф Муҳитдинов майдонга тушди.

64* Хавфли вазият! Шароф Муҳитдинов чамаси 22 метрлар узоқликдаги жаримадан зарба берди. Жуда хавфли. Аммо ноаниқ.

70* Сон жиҳатидан устун бўлган Австралия бемалол ҳаракат қилмоқда. Бизникилар эса энди кўп куч сарфлашларига тўғри келяпти.

71* Баккус жарима майдонимиз ичидан зарба берди. Абдувоҳид Неъматов тўпни эгаллаб олди.

74* Футболчиларимиз охиригача ҳаракат қилишмоқда. Аммо австралияликлар зарба беришга имконият беришмаяпти.

76* Илҳомжон Алижон ўрнига Достон Ибрагимов майдонга тушди.

79* Ўйинда устунлик тўлалигича терма жамоамиз томонида. Австралия эса вақт чўзишга ўтди. Муйдонга ётиб олмоқда футболчилар. Улар ҳам араблардан ўрганмоқда.

83* Кетма-кет ҳужумлар австралияликларни довдиратиб қўйди. Аммо ҳозирча ҳужумларимиздан наф чиқмаяпти.

88* Жасур Яхшибоев ўнг қанотдаги жарима зарбасидан тўғри дарвозага тўпни тепди. Анча ноаниқ.

90* Ўйинга 5 дақиқа қўшиб берилди.

90+5* Ўйин якунланди. Биргина гол Австралияга ғалаба тақдим этди ва Олимпиада йўлланмасини қўлга киритди. Ўзбекистон ОТЖ эса 4-ўрин билан кифояланди.