Агар Фрэнсис Нганну жанг қилолмаса, унинг ўрнини ким эгаллайди?

Машхур Bellator жангчиси Вадим Немков катта эхтимол билан собиқ UFC чемпиони камерунлик Фрэнсис Нганну ва бразилиялик Ренан Феррейра ўртасидаги жангни суғирталаши мумкин. 

"Спорт формамни ушлаб туриш мақсадида машғулотларни давом эттираётган эдим. Шу пайт менга Нганну ва Феррейра жанги учун захира жангчиси бўлишни таклифи келиб тушди. Мен эса бунга розилик билдирдим, бироқ хозирча хеч қандай шартнома тузилмади" , - деди Немков "Ушатайка" You Tube каналига.

Маьлумот ўрнида, агар Фрэнсис ёки Ренан маьлум бир сабабларга кўра бўлажак жангда иштирок эта олмаса, ўша жангчи ўрнига Немков октагонга кўтарилади.

19 октябрь куни Саудия Арабистонида Фрэнсис Нганну ва  Ренан Феррейра PFL доирасидаги турнирда ўзаро жанг қилади.