АГМК БААдан қайтиб келди. Клуб энди Туркияга боради

АГМК жамоаси кеча БААдаги (15 январь - 29 январь) ўқув-машғулот йиғинини якунлаб Тошкентга қайтиб келди.

Олмалиқликларга икки кунлик таътил берилди. 1 2 февраль кунлари эса Тошкентда машғулот ўтказадиган "кончилар" 3 февраль куни эрта тонгдан Анталя йиғинига жўнаб кетади.

Икки ҳафта (3 февраль - 17 февраль) давомида Туркиянинг Анталя шаҳрида янги мавсумга қизғин тараддуд кўрадиган АГМК йиғин доирасида олтита назорат ўйинларини ўтказишни режалаштирган. Учрашувлар санаси ва бўлажак рақиблар ҳақида кейинроқ батафсил маълумот берилади.