АГМК бугун сўнгги ўйинни ўтказади

25 февраль куни АГМК жамоаси Туркия йиғини доирасидаги охирги машғулотни "Эко Дизайн Спорт комплекси"даги майдонда олиб борди. Икки ҳафталик йиғин Қозоғистоннинг "Жетису" жамоасига қарши эртанги назорат ўйини орқали якунланади. Бу ҳақда клуб матбуот хизмати хабар тарқатди.

Таъкидлаш керакки, икки ҳафта давом этган йиғин давомида Миржалол Қосимов бошчилигидаги мураббийлар штаби футболчилар билан катта ҳажмдаги ишларни амалга оширишди. Футболчиларнинг жисмоний ва функционал ҳолатини меъёрга келтириш ҳамда ташкиллаштирилган назорат беллашувлар орқали янги мавсум олдидан жамоанинг ўйин амалиётини оширишга урғу қаратилди.