АГМК Дубайда Азиз Ғаниев жамоасига қарши ўйнайди

Ўз сафини кучайтириш ишларини олиб бораётган Миржалол Қосимов бош мураббийлигидаги АГМК клуби янги мавсумга тайёргарлик доирасида БААда ўқув-машғулот йиғинини ўтказади.

Режа бўйича олмалиқликлар 15 январь куни Дубайга жўнаб кетишади. У ерда бир қатор назорат ўйинлари режалаштирилган. Дастлабки ўйини аниқ бўлди. Ҳамюртимиз Азиз Ғаниев тўп сураётган “Шабаб Ал-Аҳли” жамоаси АГМКнинг рақибига айланади. Ушбу учрашув 18 январь кунига белгиланган.

АГМК БААда 29 январга қадар шуғулланиши кўзда тутилган.

Фикрлар

Фикр қолдириш учун авторизациядан ўтинг!