Эксперт: Роналду ўзидан кетди, ўзбеклар уни аяди, испан ёки немислар бўлганида оёғини узиб оларди!

Москванинг ЦСКА собиқ футболчиси Дмитрий Кузнецов Ўзбекистон миллий терма жамоасининг 2026 йилги жаҳон чемпионатидаги иштирокини баҳолади. Эслатиб ўтамиз, ўзбекистонликлар Португалияга қарши ўтказилган учрашувда 0:5 ҳисобида мағлуб бўлди.

- Ростдан ҳам Португалияга қарши ўйинда Ўзбекистоннинг имкониятлари деярли йўқ эди. Албатта, стандарт вазиятлар ёки кутилмаган голлар бўлиши мумкин, лекин бу сафар бундай бўлмади. 

Португалия майдонга жуда жипслашган ҳолда тушди, улар гол уриш ва ғалаба қозониш шарт эканини яхши тушуниб туришарди. Чунки биринчи турдаги дуранг улар режасига кирмаган, кутилмаган натижа бўлган.

Ўзбекистон эса жаҳон чемпионатида илк бор ўйнаяпти, футболчилар бундай даражада деярли тажрибасиз. Фақат Элдор Шомуродов ва Абдуқодир Ҳусановни айтишимиз мумкин холос. Аммо Ҳусанов ҳам рақиб голларида хатоларга йўл қўйди. 

Шу боис натижа шундай бўлди — ҳеч қаерда етиб боришмади, ҳужумга ўтишда ҳам ишончсиз ҳаракат қилишди, — деди Дмитрий Кузнецов.

Экспертнинг таъкидлашича, терма жамоа бош мураббийлигига Фабио Каннаварони таклиф этиш қарорини ҳам тўғри, деб бўлмайди.

- Албатта, Каннаварони чақиришнинг маъноси йўқ эди. Қандай машғулот усули бўлишидан қатъи назар, сен “Олтин тўп” олганмисан ёки йўқ — барчаси барибир сенинг қўл остингдаги “материал”га, яъни футболчиларнинг савиясига бориб тақалади. Каннаваро ихтиёрида эса бундай даражадаги таркиб йўқ эди, — дея қўшимча қилди Кузнецов. 

Бундан ташқари, таниқли мутахассис учрашувда иккита гол урган Криштиану Роналдунинг хатти-ҳаракатларини танқид қилди. 

- Роналдунинг Ўзбекистон дарвозасига урган икки голи билан ўзига ортиқча баҳо бермаслик керак. Унга майдонда деярли ҳамма нарсага рухсат берилди, жуда кўп вазиятлар ярата олди. Лекин ўйин охирида бир жиҳатга эътибор бердим: у рақибларга нисбатан ҳурматсизлик қила бошлади, ўйинчиларга қасддан тўқнашди. 

Агар рақиби Европанинг кучли жамоаси бўлганида, бундай қилиқлари учун жавобини дарров оларди. Бу ерда эса рақиб савиясига қараб, у ўзини ҳаддат зиёд эркин тутди, ҳатто орқадан келиб оёққа тепишгача борди. Германия ёки Испания унга бундай қилишига йўл қўярмиди? Йўқ, албатта, жавобини майдоннинг ўзидаёқ бериб, оёғини узиб олишарди, — дея таъкидлади Дмитрий Кузнецов.

Топ-лигалардан таклифларни кут! Беҳруз Каримов европаликларни қандай ҳайратга солди?

Эссиз, Ҳусановнинг кўз ёшлари: Ўзбекистон муваффақиятсизлигининг учта катта сабаб очилди

Беҳруз Каримов Роналду билан бирга мундиал рекордчиси бўлди

Роналду Ўзбекистон билан ўйиндаги "даҳшатли" рекордга қандай муносабат билдирди

Ўзбекистон футболчилари ўйини қандай баллга лойиқ кўрилди?

Шомуродов аламли мағлубиятдан кейин мурожаат йўллади

Ҳусанов ва яна тўрттаси! Ўзбекистон мағлубиятига айбдорлар номи айтилди

Ҳусанов: Юрагим жуда тез ура бошлади! Абдуқодир мундиал ҳақида ўткир гапирди