АГМК қисқа таътилни тугатди ва машғулотларга қайтди

АГМК Суперлигада юзага келган танаффусдан унумли фойдаланиш мақсадида «Арчазор»да йиғин ўтказмоқда.

«Нефтчи»га қарши кечган ўйиндан кейин футболчиларга берилган қисқа таътилдан сўнг жамоа 1 июндан эътиборан жисмоний ҳолатини янада яхшилаш учун «Арчазор»да тўпланиб, Суперлиганинг навбатдаги тур ўйинларига жиддий ҳозирлик кўрмоқда.

Машғулотлар кунига икки маҳалдан бўлиб ўтмоқда, - дейилади АГМК матбуот хизматининг хабарида.