АГМК ва "Қизилқум" ўйинларида битта ғалаба эвазига олмалиқликлар устунликка эга. Навоийликлар фарқни йўққа чиқара оладими?

АГМК Суперлиганинг 17-турида Олмалиқда «Қизилқум»ни меҳмон қилади. Олмалиқликлар матбуот хизмати учрашувга оид маълумотларни тақдим этди.

АГМК ҳамда "Қизилқум" жамоаларининг ўйинлари тарихига назар соладиган бўлсак, шу пайтга қадар ички чемпионатда жами 27 бор тўқнаш келган бу икки клубнинг ўзаро учрашувларида устунлик олмалиқликлар тарафида. АГМК ҳисобида 12 ғалаба, «Қизилқум»да 11 ғалаба мавжуд ва қолган 4 ўйинда эса ғолиб номи аниқланмаган. Тўплар фарқи ҳам АГМК фойдасига: 46-39.

Айни пайтда "Қизилқум" 14 очко билан турнир жадвалида 11-поғонани эгаллаб турибди, АГМК эса 33 очко билан 2-ўринда бормоқда.

АГМК — «Қизилқум» учрашувини Рустам Лутфуллин бошқаради. Ўйин 26 сентябрь куни ОКМК спорт мажмуасида соат 18:00да бошланади. Учрашув карантин талабларига мувофиқ томошабинларсиз ўтказилади.