Агуэро: «Месси ўзининг сўнгги жаҳон чемпионатида бор кучини беради»

«Манчестер Сити»нинг собиқ ҳужумчиси Серхио Агуэронинг фикрича, Лионель Месси 2026 йилги жаҳон чемпионатида Аргентина терма жамоаси учун ҳали ҳам катта фойда келтира олади.

«Месси ҳали ҳам соврин ютишни истайди, у ҳеч қачон хотиржам бўлиб ўтирмайди.  Лео қанча титул ютмасин, ҳатто жаҳон чемпиони бўлганидан кейингинам, карьераси тугагунча яна-янги ютуқларга интилган ҳолда майдонга тушаверади. У ҳеч қачон бўшашмайди, охирги жаҳон чемпионатида ҳам бор кучини ишга солишга ҳаракат қилади». – деди Агуэро ESPN дастурида.

Аргентина жаҳон чемпионатини 17 июнь куни тонгда, Москва вақти билан, Алжирга қарши ўйин билан бошлайди.

24 июнда Мессига 39 ёш тўлади. 2026 йилги жаҳон чемпионати унинг карьерасидаги олтинчи мундиали бўлади. Лионель ҳозирга қадар жаҳон чемпионатларида 26 ўйинда майдонга тушиб, 13 та гол урган.