Агуэро қанча муддатга сафдан чиққани маълум бўлди

Жароҳат олган "Барселона" клуби ҳужумчиси Серхио Агуэронинг қачон сафга қайтиши маълум бўлди.

Sport.es тарқатган хабарга қараганда, 33 ёшли футболчи 2,5 ой майдонга туша олмайди. Шифокорлар унинг камида ноябргача “Барсалона”га ёрдам беролмаслигини айтишмоқда.

Агуэро "Барселона" сафига жорий ёз "Манчестер Сити"дан эркин агент сифатида келиб қўшилган ва жамоа билан 2 йиллик шартнома имзолаган эди.

Лионель Месси “Барса”дан кетгач, Агуэро ҳам “Камп Ноу”ни тарк этиши ҳақида хабарлар тарқалган эди. Бироқ кейинчалик Серхио жамоада қолишга қарор қилгани маълум бўлди.