Агуэронинг агенти билан 2 та топ клуб алоқага чиқди

"Манчестер Сити" клуби форварди Серхио Агуэро бир нечта клубнинг эътиборини ўзига тортмоқда.

Италиялик журналист Николо Скиранинг хабар беришича, аргентиналик футболчининг агенти билан "Интер" ва "Реал" клублари боғланган. Бироқ, “шаҳарликлар” ўзининг энг яхши тўпурари билан хайрлашмоқчи эмас.

Агуэро “Манчестер Сити”да 2011 йилдан буён тўп суриб келмоқда. У жорий мавсум 30 та ўйинда майдонга тушди ва 23 та гол ҳамда 3 та голли узатмага муаллифлик қилди. Унинг клуб билан амалдаги шартномаси 2021 йилга қадар имзоланган.