Aichi-Nagoya 2026 V Para Osiyo o‘yinlari logotipi va shiori taqdim etildi

Tashkiliy qo‘mita 2026 yil 18-24 oktyabr kunlari Aichi prefekturasining Nagoya shahrida bo‘lib o‘tadigan Para Osiyo o‘yinlari logotipi va shiorini taqdim etdi.

Musobaqa shiori "Bir qalbni tasavvur qiling" deb nomlanadi. Uning ma’nosi Para Osiyo uyinlari orqali sog‘lom va nogiron insonlar orasidagi to‘siqlarni olib tashlashga yordam berish va ular o‘rtasida umumiy jixatlar borligini ko‘rsatishdan iborat.

Ma’lumot uchun, 2026 Para Osiyo o‘yinlarida qit’aning 45 mamlakatidan 4000 ga yaqin para atlet 18 sport turi bo‘yicha kurash olib boradi. Bu Paralimpiya o‘yinlaridan keyingi eng yirik Para sport musobaqasi bo‘ladi.