AiMOGA Robotics – Chery 2025 Xalqaro Foydalanuvchilar Sammitida brendning yangi global strategiyasini taqdim etdi

Texnologiyalar shiddat bilan o‘zgarayotgan hozirgi davrda innovatsiyalar endi alohida mahsulotlar bilan cheklanib qolmay, murakkab ekotizimlarning ajralmas qismiga aylanmoqda. Bu ekotizimlarda texnologiyalar foydalanuvchilar, turli hayotiy stsenariylar va jamiyat bilan uzviy bog‘lanadi. Aynan shu kontekstda, 2025-yil 19-oktabr kuni Xitoyning Uxu shahrida AiMOGA 2025 Global Biznes Konferensiyasi bo‘lib o‘tdi — bu tadbir Chery 2025 Xalqaro Foydalanuvchilar Sammitining eng muhim voqealaridan biri bo‘ldi.

Chery Group tarkibida inkubatsiya qilingan AiMOGA Robotics kompaniyasi o‘zining yangi global brend strategiyasini taqdim etib, “Automotive + Robot” — ya’ni avtomobil texnologiyalari va robototexnika uyg‘unligining yangi bosqichini boshlab berdi va bu nafaqat intellektual innovatsiyalar namoyishi, balki Chery’ning global mobil kelajak haqidagi uzoqni ko‘ra oladigan strategik qarashlarini ham ifoda etdi
 

Avtomobil ishlab chiqarishdan — yangi o‘sish manbalariga
Zamonaviy sanoat tarmoqlari barqaror rivojlanish va sinergiya yo‘lini izlamoqda, Chery esa bu chaqiriqqa javoban hamkorlikka asoslangan innovatsion ekotizim yaratish orqali javob bermoqda. AiMOGA Robotics kompaniyasining yangi strategiyasi taqdimoti ushbu yo‘nalishda muhim qadam bo‘ldi.
AiMOGA Robotics bosh direktori Chjan Guýbin kompaniyaning rivojlanish rejasini taqdim etdi. Ushbu reja aqlli avtomobillar va robot texnologiyalarining chuqur integratsiyasiga asoslanadi. Yaqin yillarda AiMOGA ta’lim, marketing, sanoat va maishiy xizmatlar kabi turli sohalar uchun mo‘ljallangan gumanoid va to‘rtoyoqli robotlar liniyasini bozorga chiqarishni rejalashtirgan.
2030-yilga borib kompaniya 90 mingdan ortiq to‘rtoyoqli va 40 ming gumanoid robotni ishlab chiqarishni maqsad qilgan bo‘lib, shu orqali robototexnika sohasida dunyo yetakchilari qatoridagi o‘rnini yanada mustahkamlashni ko‘zlamoqda. Bu ambitsiyali maqsadlar AiMOGA’ning o‘z kuchiga bo‘lgan ishonchini va Chery’ning robototexnikani global o‘sishning yangi harakatlantiruvchi kuchiga aylantirishdagi qat’iy irodasini aks ettiradi.

Texnologik sinergiya: muhandislikdan sun’iy intellektgacha
Tadbirning texnik qismi Chery Group’ning muhandislik mahoratini yaqqol namoyon qildi.
AiMOGA Robotics kompaniyasining bosh ijrochi direktor o‘rinbosari Sya Pen ma’lum qildiki, uch yillik intensiv tadqiqotlardan so‘ng kompaniya L2 (hamkorlik) darajasidan L3 (yordam) darajasiga o‘tishga muvaffaq bo‘lgan — bu esa sun’iy intellektning yanada yuqori bosqichiga olib chiqish yo‘lida muhim qadamlardan biridir.
Bu yutuqlarga Chery’ning kuchli tizimli bazasi sabab bo‘ldi:
●   AiMOGA robotlarining “kuchli oyoq-qo‘llarida” qo‘llanilgan yuqori zichlikdagi bo‘g‘inlar Chery’ning elektroprivod sohasidagi ilg‘or yechimlariga asoslangan.
●   “Aql markazi” vazifasini bajaruvchi MoLink bulut platformasi Chery avtomobillaridagi ma’lumotlarni qayta ishlash arxitekturasiga o‘xshash tizimdan foydalanadi.
●   Ko‘p modalli sezish tizimi va MoNet modeli esa Chery kompaniyasining aqlli boshqaruv texnologiyalariga uzoq muddatli sarmoyalari natijasida rivojlangan.
Ushbu yutuqlar Chery falsafasini yaqqol ifodalaydi — avtomobil sohasidagi tajribani robototexnika uchun barqaror innovatsiyalar manbaiga aylantirish.

Global ekotizim: chegarasiz o‘sish
So‘nggi 22 yil davomida Chery Group Xitoyning eng yirik yengil avtomobil eksportchisi bo‘lib kelmoqda. Kompaniya 120 dan ortiq mamlakatda 17,7 milliondan ziyod foydalanuvchilarga xizmat ko‘rsatadi va butun dunyo bo‘ylab 11 000 dan ortiq servis markazlariga ega. Ushbu keng infratuzilma AiMOGA Robotics’ning global miqyosda rivojlanishi uchun ishonchli tayanch bo‘lib xizmat qilmoqda.
AiMOGA — dunyoda apparat va dasturiy ta’minot bo‘yicha Yevropa Ittifoqi sertifikatini olgan birinchi gumanoid robot bo‘ldi hamda hozirda Malayziya, Indoneziya, Birlashgan Arab Amirliklari, Janubiy Afrika kabi 30 dan ortiq mamlakat bozorlariga chiqdi.
Kelgusida kompaniya Chery’ning xalqaro tarmog‘idan foydalanib, global servis tizimini yaratishni rejalashtirmoqda — bu tizim tezkor javob, to‘liq texnik qo‘llab-quvvatlash va keng qamrovli xizmatni ta’minlaydi. Shu tarzda AiMOGA butun dunyo bo‘ylab hamkorlari bilan birgalikda robototexnika ekotizimini yaratishning yangi bosqichini shakllantirmoqda.

Kelajakni birgalikda yaratish
Yantszi daryosi bo‘ylaridan tortib global sahnagacha — Chery 2025 Xalqaro Foydalanuvchilar Sammiti kompaniyaning an’anaviy avtomobil ishlab chiqaruvchidan texnologik ekotizim kompaniyasiga aylanishini ramziy tarzda namoyish etdi.
“Co-Create · Co-Define” (“Birgalikda yaratamiz · Birgalikda belgilaymiz”) shiori ostida Chery avtomobil texnologiyalari, global operatsiyalar va jonli intellekt konsepsiyasini birlashtirib, yangi davrni — mahsulot innovatsiyalaridan ekotizim integratsiyasigacha bo‘lgan evolyutsiyani boshlamoqda.
Dunyo bo‘ylab foydalanuvchilar va hamkorlar bilan birgalikda Chery kelajakni shakllantirishda davom etmoqda — bu kelajakda texnologiya, hamkorlik va qiymat yaratish barqaror taraqqiyot va chegarasiz hamkorlikning asosiga aylanadi.

Chery avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi tomonidan taqdim etilgan O‘zbekistondagi Chery avtomobillarining xususiyatlari va narxlari bilan cheryauto.uz saytida tanishish mumkin.
Chery Uzbekistan’ning rasmiy sahifalari:
Aloqa markazi: +998 71 276 55 55
Veb-sayt: https://cheryauto.uz
Instagram: https://www.instagram.com/cheryuzbekistan/
Telegram: https://t.me/cheryuzbekistan
Telegram-bot: https://t.me/cheryuzbekistanbot
Facebook: https://www.facebook.com/CheryUzbekistan
YouTube: https://www.youtube.com/@cheryuzbekistan