"Аждарлар" рақибни "ямламай ютди"

ОФК Кубоги-2021 ҳудудлараро ярим финалидан ўрин олган "Насаф" - "Моҳун Баган" учрашуви якунига етди. Мазкур ўйинда қаршиликлар рақибга ҳеч қандай имконият қолдирмай, 6-0 ҳисобида ғалаба қозонди. 

Қаршиликлар сафида Норчаев хет-трик қайд этган бўлса, Бозоров ва Нарзуллаев ўз ҳисобига биттадан гол ёздириб қўйди. Шунингдек, рақиб футболчиси Меҳта автогол муаллифига айланди. 

Мазкур натижадан сўнг, "аждарлар" ўз ҳудудида финал йўлланмасини қўлга киритди. Улар кейинги босқичда Вьетнамнинг "Ли Ман" жамоасига қарши майдонга чиқади.