Akademik eshkak eshuvchilarimiz Xitoydagi yig‘inda qatnashishmoqda

Akademik eshkak eshish bo‘yicha yoshlar terma jamoasi joriy yil oldinda kutib turgan xalqaro musobaqalarga jiddiy hozirlik ko‘rmoqda. Ushbu tayyogarlik doirasida jamoamizning 5 nafar vakili kecha Xitoyning Yangchjou shahriga yo‘l olishdi.

Mazkur yig‘in 10 maygacha davom etib, unda 4 nafar sportchi va 1 murabbiy ishtirok etadi. Xitoy safariga quyidagi sportchilarimiz yo‘l olishgan: Sultonali Abduvaliev, Fazliddin Karimov, Mehrojbek Mamatqulov, Sobirjon Safaraliev.

Ta’kidlash joiz, akademik eshkak bo‘yicha kattalar terma jamoasi ayni paytda Toshkent dengizida yig‘in o‘tkazmoqda. Mazkur mashg‘ulotlarga 27 nafar sportchi jalb qilingan.