Академик эшкак эшувчиларимиз Хитойдаги йиғинда қатнашишмоқда
Ads

Академик эшкак эшиш бўйича ёшлар терма жамоаси жорий йил олдинда кутиб турган халқаро мусобақаларга жиддий ҳозирлик кўрмоқда. Ушбу тайёгарлик доирасида жамоамизнинг 5 нафар вакили кеча Хитойнинг Янгчжоу шаҳрига йўл олишди.

Мазкур йиғин 10 майгача давом этиб, унда 4 нафар спортчи ва 1 мураббий иштирок этади. Хитой сафарига қуйидаги спортчиларимиз йўл олишган: Султонали Абдувалиев, Фазлиддин Каримов, Меҳрожбек Маматқулов, Собиржон Сафаралиев.

Таъкидлаш жоиз, академик эшкак бўйича катталар терма жамоаси айни пайтда Тошкент денгизида йиғин ўтказмоқда. Мазкур машғулотларга 27 нафар спортчи жалб қилинган.