Академиядан хайдалган, ортиқча вазни туфайли изза қилинган ва 5-лигада ўйнашга мажбур бўлган “Тоттенхэм”нинг энг қиммат трансфери - Ндомбеле ҳақида

“Тоттенхэм” трансфер суммаси бўйича клуб рекорди янгиланганлигини эълон қилди: “Лион” ярим ҳимоячиси Танги Ндомбеле 60 млн евро (қўшимча 10 млн евро бонус) эвазига “шпорлар” аъзосига айланди.

Бундан беш йил аввал Ндомбеле “Генгам” академиясидан ҳайдалган ва ўз карьерасини Франция 5-лигасида бошлаган эди.

Танги Париж шаҳрининг чекка ҳудудида дунёга келган, унинг ота-онаси Конго Демократик Республикасидан келган муҳожирлар бўлган. Ндомбеле 14 ёшида Бретанга кўчиб ўтди ва “Генгам” академиясига ўқишга кирди. У 3 йил мобайнида шу ерда яшади. 2014 йилда уни академиядан ҳайдаб юборишди. Мураббийлар унинг потенциалини жуда паст баҳолашди, аниқроғи ундаги салоҳиятни кўра билишмади. У “Осер”, “Кан” ва “Анжер” клубларига бориб кўрди, аммо ҳар сафар рад жавобини олди. Танги яхши плеймейкер бўлса-да, унга ортиқча вазн халақит қиларди.

Муваффаққиятсизликларга юз тутган Ндомбеле футбол ҳақидаги орзусидан воз кечмоқчи ҳам бўлди, аммо тез орада унга “Амьен”дан таклиф келиб тушди. 2013-2014 йилги мавсумда мавсумида ушбу клуб 2-Лигадан тушиб кетган бўлсада, ярим ҳимоячи розилик билдирди. Бироқ, у катта карьерани бироз четга суриб туришга мажбур бўлди. Ндомбеле Франциянинг бешинчи дивизионидаги “Амьен U-19” заҳира жамоасига юборилди.

Бешинчи лиганинг биринчи мавсумида Танги фақат биргина ўйинда майдонга тушди, холос. Аммо кейинги йил “Амьен”нинг асосий ўйинчисига айлана олди: 18 та ўйинда майдонга тушди ва мавсумнинг энг яхши футболчиси сифатида тан олинди. “Танлов давомида биз унда энг керакли фазилатлар мавжудлигини тезда англаб олдик. Ундаги спринтерлик қобилияти ҳар қандай ярим ҳимоячида ҳам бўлавермайди.”, - дея таъкидлаган эди “Амьен U-19” бош мураббийи Тедди Бертен.

2016/17 мавсумдан олдидан 19 ёшли Ндомбеле ҳаётидаги илк профессионал шартномани имзолади ва “Амьен”нинг асосий таркибидан жой эгаллади. Танги вақт йўқотмасдан ўз қобилиятларини ишга солишни бошлади ва иккинчи лигада 30 ўйинда 2 та гол ва 7 та ассистга эришди ва тарихда биринчи маротаба элитага кўтарилди.

“Бу йигит қорда ҳам, ботқоқда ҳам ва майдонда ҳам бирдай яхши ўйнай олади, - дейди ўз ҳайратини яширмасдан унинг жамоадоши Тома Монкондью. – У ажойиб дриблинга эга ва ўз кўзларим билан гувоҳ бўлган энг яхши футболчилардан биридир”.

“У жудаям эътиборли ва ҳар кун ўз устида ишлайдиган ўйинчи. Танги майдоннинг кичик қисмида бир неча рақибга бас кела олади. “Амьен U-19”да у қолганлардан анча устун эди”, -  дейди Бертен.

Ндомбеле ҳақида энг яхши иқтибосни эса “Амьен U-19”нинг ёш ўйинчисига илк марта эътибор қаратган “Амьен”нинг бош мураббийи Кристоф Пелиссье келтирган: “Танги – мен билан ишлашга тўғри келган энг яхши ўйинчидир”.

“Лион” Ндомбелени 2 млн еврога ижарага олган. Ўша вақтда клуб Коренту Толиссияни ўрнини боса оладиган ўйинчи қидираётган эди.

2017 йилда Толиссо “Бавария”га ўтиб кетди, “Лион” скаутлари бошлиғи Флориан Морис эса бутун ёз мобайнида жамоа учун янги марказий ярим ҳимоячи қидирди. Ниҳоят Ндомбелни 2 млн евро эвазига ижарага олиш ва “Селта”дан сенегаллик Диопни сотиб олишга қарор қилинди – иккала ўйинчи бўш ўрин учун рақобат олиб боришлари лозим эди.

Аммо рақобат бўлмади: Танги тез орада Диоп ва Жордан Ферридан ўзиб, асосий ўйинчига айланди. Сентябрь ойида Ндомбеле “ПСЖ”га қарши баҳсда “ядровий” ўйин олиб борди. У Дракслерни ёпди, узоқ масофада бўлишига қарамай жарима зарбасидан гол урди ва парижликлар ҳимоясини “ўткир” тўп оширишлари орқали парчалаб юборди. “Лион” ютқазганлигига қарамай, L’Equipe нашри Тангини ўйиннинг энг яхши футболчиси деб тан олди. Мазкур ўйиндан сўнг бу футболчига бутун Франция эътибор қарата бошлади.

Бир мавсум мобайнида футболчининг нархи 1 млндан 25 млн еврогача кўтарилди. Албатта, “Амьен”, ҳеч иккиланмасдан, ўйинчини “Лион”дан 8 млн евро эвазига қайтариб олди. Шартнома эса 2023 йилгача имзоланди.

Ндомбеле 2018 йилги жаҳон чемпионатида иштирок этмаган бўлса ҳам, октябрь ойида Франция терма жамоасида дебют қилди. Айнан шу вақт мобайнида Танги ҳақида бутун Европа билиб олди: у ЕЧЛда “Лион”нинг энг яхши ўйинчиси бўлди ва 1/8 финалдаги “Барса”га қарши ўйини кўп эсланди.

Узоқ вақт давомида футболчи учун асосий талабгор “Ювентус” эди. Бироқ Туринликларни сустлашганидан фойдаланган “Тоттенхэм” жиловни ўз қўлига олди. Ўйинчига қизиқиш билдирган клублар ичида “МЮ” ва “ПСЖ” ҳам бор эди.

Маурисио Почеттино билан бўлиб ўтган учрашув ҳал қилувчи рол ўйнади. Бу учрашувда Ндомбелени аниқлик ҳайратга солди. Почеттино унинг майдондаги роли ҳақида гапираётганда, Тангининг услубини сақлаб қолишини хоҳлашини алоҳида таъкидлади. “Биламан, бу мураккаб вазифа, аммо мен биз билган, олдинга интилувчан Ндомбелени сақлаб қолишингни истайман”, - деди Маурисио.

Ндомбеленинг агентлари билан якуний музокаралар вақтида Дэниэл Леви “Сиз имзо қўймасдан бу ерни тарк этмайсиз”, дея огоҳлантирди. Иккала томон ҳам паст келишни исташмади ва музокаралар сешанба куни 6 соатлик уйқудан кейингина якунланди. Натижада: Ндомбеле – энг кўп маош оладиган футболчилардан бирига айланди (ҳафтасига тахминан 200 минг фунт).