Акмал Ҳолиқов: "Бу ўйинда кейинги рақибимиз учун ишлаб чиққан тактикамизни синовдан ўтказдик"

Ўзбекистон Кубогининг “F” гуруҳидан ўрин олган “Қизилқум” – “Андижон ФА” (4:0) жамоалари ўртасидаги учрашувдан кейин мезбонлар мураббийи Акмал Ҳолиқов қуйидагича фикр билдирди:

“Ажойиб ўйин гувоҳи бўлдик. Ёш бўлишига қарамасдан, Андижон футбол академияси жамоасида иқтидорли ўйинчилар борлигини яна бир бор намойиш қилишди ва буни кутгандик. Уларга катта раҳмат айтаман. Кейинги учрашувларга омад тилайман.

Ўзимизни жамоани ғалаба билан табриклайман. Қилган меҳнатлари учун миннатдорчилик билдираман. Ҳа, бу учрашувда кейинги рақибимизга қарши ўйин учун тактика ишлаб чиққандик ва буни синовдан ўтказдик. Юзимиз ёруғ бўлди.

Кейинги рақибимиз – “Бунёдкор” ва эртадан ушбу учрашувга тайёргарликни бошлаймиз. Навоийдан келиб бизни қўллаб-қувватлаган мухлисларимизга катта раҳмат, уларнинг ишончини оқлаймиз, деган умиддаман”.