Акмал Ортиқов асосий таркибдаги ўрнини бой бердими? Дарвозабон қандай фикрда?

“Турон” клубида бунгача асосий дарвозабон бўлиб келган Акмал Ортиқов охирги учрашувларда захирада қолаётганини кўришимиз мумкин. Бунгача у 10 та ўйинда жамоа дарвозасини қўриқлган.

Ёзги трансфер ойнаси вақтида сотиб олинган бошқа посбон – Низомиддин Зиёвутдинов эндиликда асосий таркибда майдонга тушяпти. Мазкур ҳолат бўйича Ортиқов Sports.uzга шундай деди:

- “Андижон” билан ўйиндан кейин захирада қола бошладим. Буни ваҳимали жойи йўқ. Мураббийлар ҳозир кўпроқ Зиёвутдиновга ишонч билдиряптилар.

Бундан ташқари, уйимда бироз муаммолар бўлгани сабабли жамоамнинг икки-учта машғулотларида қатнаша олмадим. Масалан, “Пахтакор”га қарши Кубок ўйинида ҳам жамоам билан бирга эмасдим. Менга ҳам яна имкон бериб қолишар.

Игорь Шквирин билан муносабатимиз яхши. Ҳозирча ҳамкасбимга ишонч билдириляпти. Бу эса рақобат билан боғлиқ эмас деб ўйлайман. Нимагаки, “Андижон” билан ўйинда кейинги учрашувларда захирада ўтирадиган даражада хато қилганим йўқ, деб ҳисоблайман. Ўша учрашувдан кейин Зиёвутдиновга ҳам имкон берилди ва шу билан жамоа ютқазмаётганди, - дея фикр билдирди, Акмал