Акмал Шораҳмедов: Кўпчилик Бабаян билан Куперни танқид қилади, аслида эса...

Бир неча йил давомида Ўзбекистон миллий терма жамоаси шарафини ҳимоя қилган Акмал Шораҳмедов sports.uz сайти учун интервью берди. Унда кўп масалалар бўйича суҳбат уюштирилди.

Жумладан, илгари термамизга бош мураббийлик қилган Самвел Бабаян ҳамда Эктор Купер ҳақида тўхталар экан, Шораҳмедов шундай деди:

- Масалан, Купердан кўп нарса ўргандим. Кўпчилик уни ёмонлайди, аммо унинг машғулот услублари ўзбек мураббийларидан анча фарқ қилади.

Ўзимиздан кучсизларни ютиш қулайроқ. Лекин ўзимиздан кучли рақибларни ютиш қийинроқ. Купернинг услуби ҳимоявий ёки бошқа дейишади, лекин ўзингиздан кучли бўлган жамоани ютиш учун ҳимоявий ўйин кўрсатиш керак, бусиз иложи йўқ. Шунинг учун бизга келадиган ҳар қандай мураббийга қийин. Чунки ўзидан кучли бўлган рақибларни ютиш керак бўлади.

Ҳамма Самвел Бабаянни нимадир деб танқид қилиши мумкин. Аммо уни ҳурмат қиламан. Нима бўлса ҳам унинг ўз йўналиши бор. Бир хил мураббийлар бўлади, уларнинг умуман йўналиши бўлмайди.

Тез орада Акмал Шораҳмедов билан уюштирилган қизиқарли суҳбатни sports.uz сайтида ўқишингиз мумкин.