Ал Давсаридан Неймаргача! ЖЧ-2022'нинг энг чиройли голлари аниқланди (видео)

Қатарда бўлиб ўтган жаҳон чемпионатида 32 терма қатнашди ва унда жамоалар 172 та гол уришга муваффақ бўлди. Бу рекорд натижа ҳисобланади. Ҳар бир ўйинда ўртача ҳисобда 2,69 та гол киритилди.

Халқаро футбол федерацияси ўнта голни танлаб олди ва энди улар орасидан энг яхшиси аниқланади.
Совринга номзодлар рўйхати қуйидагилар:

1. Салим Ал-Давсарининг Аргентинага қарши ғалаба голи;

2. Бразилия ҳужумчиси Ришарлисоннинг Сербияга қарши ўйиндаги қайчи усулидаги голи;

3. Ришарлисоннинг Жанубий Кореяга ажойиб комбинациядан сўнг киритган тўпи;

4. Нидерландия футболчиси Коди Гакпонинг Эквадор дарвозасига урган голи;

5. Энцо Фернандеснинг Мексикага қарши ўйинда киритган тўпи;

6. Камерунлик Венсан Абубакарнинг Сербияга урган голи;

7. Мексика ярим ҳимоячиси Луис Херардо Чавеснинг Саудия Арабистони терма жамоасига жаримадан киритган тўпи;

8. Килиан Мбаппенинг Польшага қаршибаҳсда қўшиб берилган вақтлардаги урган голи;

9. Жанубий Корея футболчиси Пэк Сын Хонинг узоқ мқсофадан Бразилия дарвозасига йўллаган "пушка"си;

10. Бразилия вингери Неймарнинг Хорватия дарвозасига киритган тўпи.