Алаба янги жамоага қўшилиши билан чемпионат тарихида энг кўп соврин ютган футболчига айланди

Аввал хабар берганимиздек, тажрибали австриялик ҳимоячи Давид Алаба энди Италия чемпионатида «Удинезе» шарафини ҳимоя қилади.

Қизиғи шундаки, Алаба ҳозирги кунда А Серияда тўп суриб турган футболчилар орасида энг кўп соврин ютиб келган ўйинчига айланди. Унинг ҳисобида жами 35 та титул бор. Бу мукофотларнинг катта қисмига у Мадриднинг «Реал» ва Мюнхеннинг «Бавария» жамоалари сафида эришган.

Яна бир эътиборли жиҳат: ушбу кўрсаткич бўйича Алаба собиқ жамоадоши, ҳозир «Милан» таркибида ўйнаётган хорват Лука Модрични ортда қолдирди. Модричнинг фаолияти давомида қўлга киритган совринлари сони 33 тани ташкил этади. Учинчи ўринда эса Миланнинг «Интер» клуби ярим ҳимоячиси, арманистонлик Генрих Мхитарян 28 та трофей билан қайд этилган.