Аламли мағлубиятдан кейин “Манчестер Юнайтед”да тозалаш бошланди

“Манчестер Юнайтед” янги бош мураббий Рубен Аморим бошчилигида “Олд Траффорд”да биринчи мағлубиятини қабул қилиб олди.

Бу галги рақиб лиганинг гранд клублари қаторига кирмас эди. Шунга қарамай, “Ноттингем Форест” манчестерликларни ўз мухлислари кўз ўнгида 3:2 ҳисобида ер тишлатди.

Ушбу мағлубият “Манчестер Юнайтед” спорт директори Дэн Эшуортга қимматга тушди. Клуб хўжайинлари ушбу мағлубиятдан кейин уни суҳбатга чақирди.

 The Sun нашрининг маълум қилишича, беш ой муқаддам катта умидлар билан гранд клубга таклиф қилинган мутахассис раҳбарият ҳузуридаги учрашувдан кейин ўз лавозимини бўшатадиган бўлди.

Эшуорт аввал “Ньюкасл”да фаолият олиб борган эди.