Алан Ширер: "МЮнинг қониқарсиз натижаларида Роналдунинг айби йўқ"

АПЛ афсоналаридан бири ҳисобланмиш "Ньюкасл" собиқ футболчиси Алан Ширер МЮ ҳақида фикр билдирди. Унинг айтишича, "қизил иблислар"нинг кетма-кет очко йўқотишида фақат бир инсонни айблаш тўғри эмас.

"Мен "Манчестер Юнайтед"нинг ўйинларини кўрганимда, тартибсиз ҳаракатлар гувоҳи бўламан. Жамоада ўзига ҳос аниқ бир услуб мавжуд эмас.

Футболчилар майдонда жаҳлдор ва ўзини назорат қила олмайдиган даражага етиб келган. Улар шунчаки вақтинчалик жамоага айланиб қолгандек таассурот қолдирмоқда.

Кимнидир айблаш керак бўлса, бир инсонни ажратиб кўрсатмаган бўлардим. Кўпчилик Роналдуни клубга салбий таъсир кўрсатмоқда, деб ўйлаяпти. Йўқ, бу нотўғри тушунча. Криштиану МЮда бўлмаганда "қизил иблислар" бунданда оғир вазиятда қолган бўларди", - деди Ширер.