"Алавес" мураббийи: "Бу ё пенальти ёки симуляция учун иккинчи сариқ карточка бўлиши керак эди"

"Алавес" бош мураббийи Эдуардо Коудет Мадриднинг "Реал" жамоасига қарши ўйинда баҳсли пенальти эпизодини изоҳлади.

Учрашувнинг 88-дақиқасида "Реал" ҳужумчиси Винисиус Жуниор "Алавес" жарима майдонида ерга йиқилди. Меҳмонлар пенальти талаб қилди, бироқ ҳакам қоидабузарлик бўлмагани ҳақида қарор чиқарди.

— Винисиус билан боғлиқ эпизодми? Ҳакамнинг қарорини тушунмадим. Бу ё пенальти бўлиши керак эди ёки симуляция учун иккинчи сариқ карточка кўрсатилиб, майдондан четлатилиши лозим эди. Нега натижада на бири, на иккинчиси бўлмади?, — деди Коудет ўйиндан кейинги интервьюсида.

"Реал" ушбу учрашувда Килиан Мбаппе (24-дақиқа) ва Родриго (76-дақиқа) голлари эвазига ғалаба қозонди. "Алавес" сафида эса 68-дақиқада Карлос Висенте ҳисобни қисқартирган эди.