Алекс Перейра Ян Блахович устидан очколар ҳисобига кўра ғалаба қозонди. У жангдан кейинги интервьюсида нималар деди?!

UFC 291: Poirier vs. Gaethje 2 турнирининг ко-мейнивентида собиқ ўрта вазн чемпиони бразилиялик Алекс Перейра (8-2) очколар ҳисобига кўра (28-29, 29-28, 29-28) ярим оғир вазн собиқ чемпиони польшалик Ян Блаховични (29-10-1) мағлубиятга учратди ва ўзи учун янги вазндаги дастлабки ғалабасини қайд этди.

Унинг жангдан кейинги октагон интервьюси:

"Бу жанг жуда қийин олишув эди ва менимча сизлар бугун менинг ривожланаётган курашимни кўрдингиз. Сабр билан ўз устимда ишлаб бундан яхшироғини кўрсатаман. Жангдан олдин бу даъвогарлик жанги эканидан бохабар эдим. UFC менга кимни рақиб қилишини ҳам биламан.

Бу вазнда ҳам чемпион бўлишни хоҳлайман ва яна кейин сюрпризлар бор. Бугун ўзимни жуда яхши ҳис қилдим. Сабаби, 10 кг. га камроқ вазн ташладим!"