Александр Усик супер оғир вазн тоифасида чемпион бўла оладими? Диллиан Уайт бунга жавоб берди

Британиялик боксчи Диллиан Уайтнинг фикрига кўра, биринчи оғир вазн тоифасида собиқ мутлоқ жаҳон чемпиони украиналик Aлександр Усик супер оғир вазн тоифасида чемпион бўла олмайди.

"У супер оғир вазнда ғолиб чиқа олишига ишончим комил эмас. Бошқа томондан, у буни қила олади. Фақат тўғри ташкилий ишлар  ва ақлли жанглари билан... Чунки у ҳозирги чемпионларни мағлуб эта олмайди. У бундай кучга эга эмас. Ҳа, Усик техник жиҳатдан жуда кучли. Аммо гавда тузилиши бу вазнга тўғри келмайди. У 12 раунд мобайнида Энтони Жошуа, Диллиан Уайт ва Тайсон Фьюри билан жанг қилиши керак бўлади”,- деди Уайт.

Aввалроқ, британиялик яна бир боксчи Тони Белью Усик оғир вазнда Жошуа ва Фьюридан ташқари барчасини мағлуб этишини айтганди.