Александр Хомяков: "Бундай ўйинлар бизнинг фойдамизга ишлайди"

“Андижон” – “Динамо” (2:2) ўртасидаги баҳсдан кейинги матбуот анжуманининг иккинчи қисмида мезбонлар бош мураббийи Александр Хомяков фикрлари билан ўртоқлашди.

- Гувоҳи бўлганинглардек, етарлича оғир ўйин бўлди. 90 дақиқа давомида қийин ўйин ўтказдик. Биринчи бўлимни жуда ёмон бошладик, статистика бўйича ҳам камроқ ҳаракат қилдик. Рақиб сифатли ўйнаб, кўплаб вазиятлар яратди. Ўз даражамизда ўйнай омадик. Жуда секин ҳаракатландик. Баъзида рақибни тўғри баҳолай олмадик. Кўп ҳолатларда эмоцияларга берилдик. Иккинчи бўлимда вазиятни ўнглашга ҳаракат қилдик, ҳисобни тенглаштирдик. Кейин яна қарши ҳужумда  гол ўтказиб юбордик. Ҳайрият, ўйин охиригача ҳисобни тенглаштира олдик. Бундай ўйинлар бизга фойдали бўлади Футболчиларимиз темпни оширишади, ишлашда давом этамиз, албатта.

- Захирадан майдонга тушган ўйинчилар борасида тактика хатоликка йўл қўйилдими?

- Қандай тактик алмаштиришда хато бўлди? Ўйинчи алмаштириш борасидагими? Ахир захирадан тушган футболчилар гол уришди-ку! Мен қандай хато қилган бўламан? Балки сизга шундай кўрингандир. Мен пастдаман, сизлар юқорида ва яхши кўрингандир. Айтинглар, менга хатоларни. Мен туширган ўйинчилар голлар уришди. Агар сизга бошқача туюлган бўлса билмадим. Биринчи бўлимда яхши вазиятларни ярата олмадик. Иккинчи бўлимда ўзгартирдик, гол урганимиздан кейин олдинга интилдик. Ғалаба қозонишни хоҳлагандик. Балки мен қаердадир адашгандирман. ҳозирги ҳолатимда бир нима дея олмайман.

- Чемпионат билан Кубок ўйини ўртасидаги фарқ билиндими?

- Биз йигитларга тушунтирдик, хоҳ у чемпионат бўладими ёки Кубокми фарқи йўқ, ашаддий мухлисларимиз биздан доим ғалаба кутишади. Ҳаракат қилдик, яна айтаман: биринчи бўлимда тартибсиз ҳаракат қилдик. Ўйиннинг катта қисмини майдон марказида ўтказдик, айтганимдек бундай ўйинлар керак, бизга. Дастлабки 10 дақиқада ҳаракатландик, кейин рақиб вазиятлар ярата бошлашди, ўйин ташкил қилишда муаммолар бўлди. Якка курашларда ютқаздик. Агар сифатли ўйин кўрсатганимизда бошқача бўлиши мумкин эди. Уларнинг ҳужумлари хавфли чиқди. Қизирқарли ўйин гувоҳи бўлдик. Ўз устимизда ишлаймиз. Томошабоп ўйин бўлди.

- Бу “ўлим гуруҳи” деб номланаётганди. Кўпчилик “Динамо”ни аутсайдер сифатида баҳолаётгандилар. 2:2 ҳисобидаги дурангдан кейин фикрларингиз қандай?

- Нима ҳам дердим, учта ўйинда иложи борича очколар йиғишга, ғалаба қозонишга ҳаракат қиламиз. Тахминан биламиз, қанча очко жамғарган жамоа кейинги босқичга ўтиши мумкинлигини. Қандай режаларимиз бўлади? Ютишни истаймиз. Ҳаракат қиламиз, яна қайтараман: бундай ўйинлар тўғри хулоса чиқаришга ёрдам беради, фойдамизга хизмат қилади. Биз тўғри йўлдамиз, деб ўйлайман.