Аллегри “Арсенал”ни қутқармоқчи

“Милан” ва “Ювентус”ни муваффақияли бошқарган Массимилиано Аллегри “Арсенал” бошқарувини қўлга олишга тайёр эканини билдирди.

Ўтган мавсум якунларига кўра, Англия кубоги ва Суперкубогини қўлга киритган Микель Артета жамоаси жорий чемпионатда клуб раҳбарияти ва мухлислар ишончини оқлай олмаяпти. Ўтказилган 11 та учрашувда атиги 13 очко жамғарган “тўпчилар” мусобақа жадвалининг 15-қаторидан жой олган.

Ҳозирча, “Арсенал” хўжайинлари янги йил атрофидаги тиғиз тақвим олдидан бу ўзгаришга қўл урмоқчи эмас. Бироқ, Аллегри ҳар эҳтимолга қарши, исталган пайтда жамоа бошқарувини қабул қилишга тайёрлиги ва Англияда ишлаш учун инглиз тилини етарли даражада ўзлаштириб олганини маълум қилди.