Аллегри нега Роналдуни захирада қолдирганини айтди

Италия А Серияси дастлабки тури доирасидаги "Удинезе" - "Ювентус" учрашуви 2:2 ҳисоби билан якунланди. Ўйиндан кейин туринликлар бош мураббийи Массимилиано Аллегри Роналду ҳақида саволларга жавоб бериб ўтди:

"Биз яхши ўйин ўтказдик, афсуски, футболда кутилмаган ҳолатлар бўлиб туради. Криштиану Роналду билан ҳаммаси жойида, биз ўйиндан олдин гаплашдик, мен унинг қандай ҳолатда эканлигини кўрдим ва унга ўйинни захирадан бошлашини айтдим.

Чунки у бизга иккинчи бўлимда керак эди. Криштиану керакли пайтда майдонга чиқди ва яхши ўйнади, ҳатто гол урди...

Aлбатта, жисмоний тайёргарликни яхшилашимиз даркор. Олдинда кўплаб учрашувлар бор, Роналду ҳам, қолганлар ҳам масъулиятни сезиши лозим. Мен биринчи марта бешта алмаштириш билан ишлаяпман ва менимча, бу борада хатога йўл қўймадим", - деди Aллегри.