Аллегри ортидан Видаль: АПЛ клуби катта ўзгаришларга тайёргарлик қилмоқда

"Барселона" ярим ҳимоячиси Артуро Видаль "Ньюкасл" қизиқишлари доирасига кирди, дея хабар бермоқда Испания матбуоти.

Mundo Deportivo нашри маълумотига кўра, чилилик футболчи АПЛ клуби таклифини кўриб чиқишга тайёр. Бунгача "Ньюкасл" айни вақтда эркин агент мақомида бўлган Массимилиано Аллегрини жамоа бошқарувига олиб келиши мумкинлиги ҳақида ҳам хабарлар тарқалган эди.

Шунингдек, Видаль хизматларига А Серия вакили "Интер"дан ҳам қизиқишлар бўлмоқда. Унинг "Барселона" билан шартномаси кейинги йил ёзида якунига етади.

Эслатиб ўтамиз, олдинроқ, "Ньюкасл"ни Саудия Арабистони шаҳзодаси сотиб олиш ниятидалиги маълум бўлган эди.