Альварес трансфери ўхшамагач, "Барса" бошқа футболчи билан шартнома имзоламоқчи

«Барселона» скаутлари «Борнмут» ҳужумчиси Эли Жуниор Крупи номзодини кўриб чиқмоқда. У каталонияликларнинг трансфер рўйхатида Хулиан Альваресга эҳтимолий альтернатив сифатида қайд этилган.

Клуб ичида Крупининг салоҳияти юқори баҳоланаётгани айтилмоқда. Ёш форвардга эса фақат «Барселона» эмас, «Тоттенхэм» ҳам жиддий қизиқяпти. Лондон клуби француз футболчиси учун тахминан 100 миллион евро сарфлашга тайёр.

Шу билан бирга, каталонияликлар бу миқдорни тўлашга ҳозирча тайёр эмаслиги таъкидланмоқда. Аммо «Барселона» Крупига «Тоттенхэм»га нисбатан юқорироқ мақсад ва каттароқ мақсадлар таклиф қилиши мумкинлиги қайд этилмоқда.