Америка кубогида энг кўп гол урган футболчи ким?

АҚШда ташкил этилган Америка кубоги мусобақасида Аргентина терма жамоаси аввалги чемпионатда қўлга киритилган чемпионлик унвонини сақлаб қолди.

Бу гал аргентиналиклар финалда Колумбия терма жамоаси билан куч синашди. Беллашув ғолиби қўшимча бўлимларда аниқлади. Лаутаро Мартинеснинг ягона голи Аргентина терма жамоасига бош совринни келтирди.

Ғалаба тўпи моҳир ҳужумчи учун чемпионатдаги бешинчи гол бўлди. Олтита ўйинда рақиблар дарвозасини беш маротаба ишғол қилган Лаутаро Мартинес “Копа Америка-2024” тўпурарлари пойгасида ғолиб чиқди.

Мартинес чемпионатда учта тўп киритган Венесуэла терма жамоаси ҳужумчиси Саломон Рондонни ортда қолдиришга эришди.