Аморим: Чемпионатда ғолиб бўлишни истасак...

Англия Премьер-лигасининг 15-тур доирасида "Манчестер Юнайтед" "Ноттингем Форест" билан баҳс олиб боради. Ушбу учрашув олдидан Рубен Аморим матбуот анжуманида қатнашиб, клуб қандай қилиб ички чемпионатда ғолиб бўлиши мумкинлиги ҳақида гапирди. 

- Биз агарда маҳаллий лигада ғалаба қозонмоқчи бўлсак, кўпроқ майдонда югуришимиз керак. Футболчиларим мен ўйлаганчалик тер тўкишса, албатта биз муваффақиятга эриша оламиз.

Шу кунга қадар зафар қучиб келган жамоалар ҳам қаттиқ меҳнат қилишган. Сизда энг зўр 11 та футболчилардан тузилган асосий таркиб бўлса ҳам ҳаракат қилишмаса, ғалаба қозона олмайсиз, – деб айтиб ўтди португалиялик мутахассис.

Маълумот ўрнида, АПЛнинг ўтган турида Аморим бошчилигидаги "қизил иблислар" "Арсенал"га 2:0 ҳисобида мағлуб бўлди. Навбатдаги турда эса жамоа "Ноттингем Форест" билан тўқнаш келади.