Аморим: "Мағлубиятдан кейинги ҳиссиётни таърифлаб бўлмайди"

"Манчестер Юнайтед" бош мураббийи Рубен Аморим Англия Лига кубогида "Гримсби Таун"дан кейинги ҳолат ҳақида фикр билдирди.

"Ўйиндан сўнг клубни тарк этиш истаги пайдо бўлгандек бўлди. Ҳозир бундай ҳиссиёт йўқ. Бу – мағлубиятнинг энг оғир қисми. 

Баъзан натижа эмас, балки қандай мағлуб бўлганимиз ёки дуранг ўйнаганимиз қийин қабул қилинади. Чунки биз кўпроғига қодирмиз. Гап тўп учун кураш, ҳаракат, майда деталларда. Баъзан ўйинимиз даражаси тушиб кетади.

Яхшиси, олдиндаги учрашувда бу даражани кўтариш имконимиз бор", — дея таъриф бериб ўтди португалиялик мураббий.