“Ан-Наср” юлдузлари Европага қайтмоқчи

Криштиану Роналду етакчилигидаги “Ан-Наср” юлдузларидан икки нафари Европага қайишни режалаштирган. Бу ҳақда таниқли журналист Экрем Конур хабар тарқатди.

Манбага кўра, ҳимоячи Эмерик Ляпорт ва ярим ҳимоячи Секо Фофана Европа клублари сафига кўчиб ўтиши мумкин. Ҳар икки футболчига Англия, Испания ва Италия жамоаларидан жиддий қизиқиш бўляпти.

Ҳар икки футболчи Саудия Арабистонига ўтган ёз келган эди. Лапорт янги жамоаси учун барча турнирларда 20 та ўйин ўтказиб, иккита гол ва битта ассист қайд этди.

Фофана риёдликлар таркибида 17 маротаба майдонга тушди. Секо ҳам ўз ҳисобига иккита гол ва битта ассист расмийлаштирган.