"Ан-Наср"га португалиялик мураббийни олиб келишмоқчи

Стефано Пиоли "Ан-Наср" бош мураббийлик лавозимини тарк этди. Криштиану Роналду ва жамоанинг кейинги мураббийи португалиялик Жорже Жезуш бўлиши мумкин.

"FootMercato" нашрининг хабар беришича, сўнгги соатларда "Ан-Наср" 70 ёшли мутахассис билан музокаралар олиб бормоқда. Жезуш май ойи бошида "Ал-Ҳилол" бош мураббийлигидан кетган эди.

Ушбу жамоа бошқарувида португалиялик мутахассис 99 та ўйин ўтказиб, уларнинг 80 тасида ғалаба қозонган, 10 тасида дуранг ва 9 тасида мағлубиятга учраган.

Эслатиб ўтамиз, "Ан-Наср" ўтган мавсумда Саудия Арабистони чемпионатини турнир жадвалида учинчи ўринда якунлаган эди. "Ал-Ҳилол" иккинчи ўринни эгаллаган, "Ал-Иттиҳод" эса чемпионликни қўлга киритди.