Ана холос! "Ал-Насср" Машариповнинг позициясига "Реал" футболчисини олиб келмоқчи

"Реал" юлдузи Эдер Азар фаолиятини қитъамизда давом эттириши мумкин.

"OKDiario" нашри тарқатган маълумотларга қараганда, бельгиялик футболчига Саудия Арабистонидан таклиф бор. Яқиндагина Криштиану Роналду трансферини эълон қилган "Ал-Насср" энди Эдени олиб келмоқчи. Клуб унга молиявий томондан анча яхши шартнома таклиф этгани қўшимча қилинмоқда.

Биз учун аҳамиятлиси, риёдликлар таркибида Жалолиддин Машарипов айнан Азарнинг позициясида ҳаракат қилади. Кучли рақобат ва чемпионатдаги легионерлар лимити сабабли вакилимиз бошқа лигага йўл олиши мумкин.

Айни пайтда "Насср" бош мураббийи сифатида ишлаётган Руди Гарсия Эденни анчадан кузатиб келади. Улар 2008-2012 йиллар оралиғида "Лилль"да бирга ишлаган.